Det går monaleg betre med fastlegetenesta no enn for tre år sidan. Fjerdeparten av fastlegane har opne lister, men framleis bur tiandeparten av befolkninga i kommunar utan opne lister. Listene er blitt kortare og talet på lister utan lege er halvert, men verken vaktbelastning eller stabilitet er optimale. Svikt i sjukehustenesta og vekst i heilprivate tilbod vil auke behovet for fleire fastlegar.